electroneddas

Alloddu su santu de is launeddas eletrònigas: su sintetisadori
A issu arribant is sinnalis de su cuntrollori, chi comenti eus biu su sonadori pigat in manu, e de su cuntrollori a pei, chi su sonadori imperat cun su pei; de issu ndi bessi su sonu .. de canna

Is manaxilis (it : manopole)

Is manaxilis, in basciu, serbint po regulai su  volume e sa frecuèntzia.
Is grogas funt tres, e donniuna cuntrollat su volume de cada  sonu: su tumbu, sa mancosedda e sa mancosa.
S'arrubia serbit po variai, cun continuidadi, sa crai totali de su cuncertu o, in atrus fueddus, a acordai su strumentu.

Is pulsantis

Is pulsantis asulus serbint po si movi aintru'e su display, chi eus a biri prestu.
Su pulsanti "M" serbit po sa  memòria (dd'eus a biri paris a su cuntrollori a pei)
Su pulsanti "G" cuntrollat sa sensilibilidadi de su cuntrollori

Su display

Su display serbit po ammostai e po cuntrollai is parametrus de su cuncerti chi su sonadori est sonendi.
In sa fotografia si ligit:

P.O. 00N 33 78 1

P.O.  :Custu est su cuncertu chi su sonadori est sonendi; atrus podint essi Med (Mediana), Fio (Fioràssiu) etc.

0      : sa crai (it: tonalità) est 0. Podit variai de 0 a F (15 valoris). Sa crai finalit dipendit puru de su manaxili rubiu, comment'eus biu agoa.
0      : sa scala modali est 0. Podit variai de 0 a 7 (is seti gradus de sa scala) prus atrus seti (scala armònica). 0 est su primu gradu (maggiori)
N      : sa scala est naturali (podit essi puru T, temperada)

33    : Ammostat sa "tìmbrica" de su tumbu i s'otava cosa sua
7      : Ammostat sa "tìmbrica" de sa mancosa (de 0 a 15)
8      : Ammostat sa "tìmbrica" de sa mancosedda (de 0 a 15)
(sa o intra 33 e 78 est sperimentali)

1      : Cuntrollat sa faina (it: funzione) de su cuntrollori a pei

Po cambiai custus valoris, su sonadori movit unu cursori aintr'e su display, imperendi is pulsantis chi eus biu, opuru, totu in d'una, cun su cuntrollori a pei: e no est pagu!

Innoi bieis tres differentis cuntrolloris, fatus de materialis differentis.
A manu manca, sa primu versioni, fata de allumìniu;
Sighit sa versioni de plastica, e finalmenti cudda de canna.

Is tuvus serbint sceti po poderai is sensoris, chi funt is circuleddus chi bieis, e po mantenni sa strutura de s'instrumentu chi su sonadori est acostumau a imperai.
Is sensoris funt duncas postus in currispondentza de is crais de is launeddas, in positzionis differèntis, segundu su cuncertu chi si tratat.

(Po is spertus: Su de alluminiu est unu fiorassiu, is atrus funt punt'e organu)