electroneddas
Unu giassu dedicau a is launeddas eletrònigas :: Un sito dedicato alle launeddas elettroniche
Chini seu
Nome: Francesco Capuzzi
Sardigna custa est s'ora ..
Feeds
Fotografias recentis
su Maistu Luigi Lai cun Angelo Branduardi .. in Frància
Si sinnalu totu in d-una unu grandu vìdeo de su 1982 cun Luigi Lai giovuneddu chi sonat impari cun Angelo Branduardi in sa tv francesa. Tenei passèntzia e abetai fintz'as a s'acabu ..
.. po sa dì de s'aciapa chi at a beni, Branduardi tenit su salvacondotu !
¡¡ ELECTRONEDDAS !! (Stesiendisì de su connotu)
Un'atru esperimentu: S'arrefinu mudu
S'arresultau est una cosa eletròniga meda: ascurtai e criticai!
Tòcat a nai puru ca, mancai no pàrgiat, est totu arregistrau in presa direta, sentz'e sovraincisionis (est deaici po totus is arregistratzionis chi apu postu)
S'arresultau est una cosa eletròniga meda: ascurtai e criticai!
Tòcat a nai puru ca, mancai no pàrgiat, est totu arregistrau in presa direta, sentz'e sovraincisionis (est deaici po totus is arregistratzionis chi apu postu)
Su sintetisadori
Alloddu su santu de is launeddas eletrònigas: su sintetisadori
A issu arribant is sinnalis de su cuntrollori, chi comenti eus biu su sonadori pigat in manu, e de su cuntrollori a pei, chi su sonadori imperat cun su pei; de issu ndi bessi su sonu .. de canna
Is manaxilis (it : manopole)
Is manaxilis, in basciu, serbint po regulai su volume e sa frecuèntzia.
Is grogas funt tres, e donniuna cuntrollat su volume de cada sonu: su tumbu, sa mancosedda e sa mancosa.
S'arrubia serbit po variai, cun continuidadi, sa crai totali de su cuncertu o, in atrus fueddus, a acordai su strumentu.
Is pulsantis
Is pulsantis asulus serbint po si movi aintru'e su display, chi eus a biri prestu.
Su pulsanti "M" serbit po sa memòria (dd'eus a biri paris a su cuntrollori a pei)
Su pulsanti "G" cuntrollat sa sensilibilidadi de su cuntrollori
Su display
Su display serbit po ammostai e po cuntrollai is parametrus de su cuncerti chi su sonadori est sonendi.
In sa fotografia si ligit:
P.O. 00N 33 78 1
P.O. :Custu est su cuncertu chi su sonadori est sonendi; atrus podint essi Med (Mediana), Fio (Fioràssiu) etc.
0 : sa crai (it: tonalità) est 0. Podit variai de 0 a F (15 valoris). Sa crai finalit dipendit puru de su manaxili rubiu, comment'eus biu agoa.
0 : sa scala modali est 0. Podit variai de 0 a 7 (is seti gradus de sa scala) prus atrus seti (scala armònica). 0 est su primu gradu (maggiori)
N : sa scala est naturali (podit essi puru T, temperada)
33 : Ammostat sa "tìmbrica" de su tumbu i s'otava cosa sua
7 : Ammostat sa "tìmbrica" de sa mancosa (de 0 a 15)
8 : Ammostat sa "tìmbrica" de sa mancosedda (de 0 a 15)
(sa o intra 33 e 78 est sperimentali)
1 : Cuntrollat sa faina (it: funzione) de su cuntrollori a pei
Po cambiai custus valoris, su sonadori movit unu cursori aintr'e su display, imperendi is pulsantis chi eus biu, opuru, totu in d'una, cun su cuntrollori a pei: e no est pagu!
A issu arribant is sinnalis de su cuntrollori, chi comenti eus biu su sonadori pigat in manu, e de su cuntrollori a pei, chi su sonadori imperat cun su pei; de issu ndi bessi su sonu .. de canna
Is manaxilis (it : manopole)
Is manaxilis, in basciu, serbint po regulai su volume e sa frecuèntzia.
Is grogas funt tres, e donniuna cuntrollat su volume de cada sonu: su tumbu, sa mancosedda e sa mancosa.
S'arrubia serbit po variai, cun continuidadi, sa crai totali de su cuncertu o, in atrus fueddus, a acordai su strumentu.
Is pulsantis
Is pulsantis asulus serbint po si movi aintru'e su display, chi eus a biri prestu.
Su pulsanti "M" serbit po sa memòria (dd'eus a biri paris a su cuntrollori a pei)
Su pulsanti "G" cuntrollat sa sensilibilidadi de su cuntrollori
Su display
Su display serbit po ammostai e po cuntrollai is parametrus de su cuncerti chi su sonadori est sonendi.
In sa fotografia si ligit:
P.O. 00N 33 78 1
P.O. :Custu est su cuncertu chi su sonadori est sonendi; atrus podint essi Med (Mediana), Fio (Fioràssiu) etc.
0 : sa crai (it: tonalità) est 0. Podit variai de 0 a F (15 valoris). Sa crai finalit dipendit puru de su manaxili rubiu, comment'eus biu agoa.
0 : sa scala modali est 0. Podit variai de 0 a 7 (is seti gradus de sa scala) prus atrus seti (scala armònica). 0 est su primu gradu (maggiori)
N : sa scala est naturali (podit essi puru T, temperada)
33 : Ammostat sa "tìmbrica" de su tumbu i s'otava cosa sua
7 : Ammostat sa "tìmbrica" de sa mancosa (de 0 a 15)
8 : Ammostat sa "tìmbrica" de sa mancosedda (de 0 a 15)
(sa o intra 33 e 78 est sperimentali)
1 : Cuntrollat sa faina (it: funzione) de su cuntrollori a pei
Po cambiai custus valoris, su sonadori movit unu cursori aintr'e su display, imperendi is pulsantis chi eus biu, opuru, totu in d'una, cun su cuntrollori a pei: e no est pagu!
